06 April, 2021 01:22:12 PM
"നിങ്ങൾ മരിച്ചു പോയി; വോട്ട് ചെയ്യാനാവില്ല': ഉദ്യോഗസ്ഥരുടെ വാക്കുകൾ കേട്ട് ഞെട്ടി വയോധികൻ
തൃശൂർ: ചേലക്കര എസ്എംടി സ്കൂളിലെ പോളിംഗ് ബൂത്തിൽ വോട്ട് ചെയ്യാനെത്തിയ വയോധികൻ ഉദ്യോഗസ്ഥർ പറഞ്ഞതു കേട്ട് ഞെട്ടി. നിങ്ങൾ മരിച്ചയാളാണെന്നാണ് റിപ്പോർട്ടുള്ളതെന്നും ഇതിനാൽ വോട്ടു ചെയ്യാൻ സാധിക്കില്ലെന്നുമാണ് ഉദ്യോഗസ്ഥർ പറഞ്ഞത്. അബ്ദുള്‍ ബുഹാരി എന്നയാൾക്കാണ് ദുരനുഭവമുണ്ടായത്. ഇതേ തുടർന്ന് അദ്ദേഹം ബൂത്തിന് മുന്നിൽ കുത്തിയിരുന്നു പ്രതിഷേധിക്കുകയും ചെയ്തു.
