05 September, 2020 12:28:50 PM
ഇരിങ്ങാലക്കുട ചെമ്മണ്ടയില്‍ വീട് കയറി അക്രമിച്ച കേസില്‍ രണ്ട് പ്രതികള്‍ അറസ്റ്റില്‍
ഇരിങ്ങാലക്കുട: കാറളം പഞ്ചായത്തിലെ ചെമ്മണ്ടയില്‍ വീട് കയറി അക്രമിച്ച കേസിലെ രണ്ടും മൂന്നും പ്രതികള്‍ അറസ്റ്റില്‍. ചേലൂര്‍ മുട്ടത്ത് വീട്ടില്‍ വിബിന്‍ (22), കൂത്തുപറമ്പ് പള്ളിയില്‍ വീട്ടില്‍ ജോബിഷ് (37) എന്നിവരെയാണ് കാട്ടൂര്‍ എസ്.ഐ വി.വി. വിമലിന്‍റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്. ആഗസ്റ്റ് 30ന് വൈകീട്ടാണ് വണ്ടിക്ക് സൈഡ് കൊടുക്കുന്ന വിഷയത്തിലുള്ള തര്‍ക്കവുമായി ബന്ധപ്പെട്ട് ചെമ്മണ്ട അരിമ്പൂര്‍ വീട്ടില്‍ അജയ‍ന്‍റെ വീട് മൂന്നംഗ സംഘം ആക്രമിച്ചത്. വീടി‍ന്‍റെ സിറ്റൗട്ടിന്‍റെയും കാറി‍ന്‍റെയും ചില്ലുകള്‍ അക്രമികള്‍ തകര്‍ത്തിരുന്നു. മുഖ്യപ്രതിയും പരിസരത്തെ ഓട്ടോ ഡ്രൈവര്‍ കൂടിയായ ചെമ്മണ്ട കളത്തില്‍ വീട്ടില്‍ ദീപക്കിനെ നേരത്തേ അറസ്റ്റ് ചെയ്തിരുന്നു. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
