04 February, 2020 07:19:30 PM
ഇരിങ്ങാലക്കുടയിൽ എഴുന്നള്ളിപ്പിനിടെ ഇടഞ്ഞ ആന പാപ്പാനെ കുത്തിക്കൊന്നു
തൃശൂർ: ഇരിങ്ങാലക്കുട കാറളത്ത് എഴുന്നള്ളത്തിനിടെ ഇടഞ്ഞ ആന പാപ്പാനെ കുത്തിക്കൊന്നു. പാലക്കാട് ശ്രീകൃഷ്ണപുരം സ്വദേശി നന്ദൻ (40) ആണ് മരിച്ചത്. ചൊവ്വാഴ്ച കാറളം കുഞ്ഞാലക്കാട്ടിൽ ക്ഷേത്രത്തിലാണ് സംഭവം. ഗുരുവായൂർ ദേവസ്വത്തിന്‍റെ ശ്രീകൃഷ്ണൻ എന്ന ആനയാണ് ഇടഞ്ഞത്.
ഉത്സവത്തിനായി എത്തിച്ച ആന എഴുന്നള്ളത്തിനിടെ ഇടയുകയായിരുന്നു. ഈ സമയം ആനയ്‌ക്കൊപ്പം നടക്കുകയായിരുന്ന പാപ്പാൻ നന്ദൻ ആനയുടെ കാലുകൾക്കിടയിൽ കുടുങ്ങിപ്പോയി. ക്ഷേത്രപരിസരത്ത് നിന്നും പ്രദേശത്തുള്ള വാഴത്തോപ്പിലേക്ക് ഓടിക്കറിയ ആന വാഴകൃഷി മുഴുവനായും നശിപ്പിച്ചു. പിന്നീട് നാട്ടുകാർ വിവരമറിയിച്ചതിനെ തുടർന്ന് സ്ഥലത്ത് എത്തിയ വനംവകുപ്പ് ഉദ്യോഗസ്ഥർ മയക്കുവെടിവച്ചാണ് ആനയെ തളച്ചത്
