13 January, 2020 08:17:35 PM
നടന്‍ ദിനേശ് എം മനയ്ക്കലാത്ത് തൃശൂര്‍ റെയില്‍വേ സ്റ്റേഷനില്‍ ട്രയിന്‍ തട്ടി മരിച്ചു
തൃശൂര്‍: നടന്‍ ദിനേശ് എം മനയ്ക്കലാത്ത് (48) തൃശൂര്‍ റെയില്‍വേ സ്റ്റേഷനില്‍ ട്രെയിന്‍ തട്ടി മരിച്ചു. കഴിഞ്ഞ രാത്രി തൃശൂരില്‍ ഡബിംഗ് കഴിഞ്ഞ് പോകുമ്പോഴായിരുന്നു അപകടം. പ്രമുഖ പത്രപ്രവര്‍ത്തകന്‍ ആര്‍.എം.മനയ്ക്കലാത്തിന്‍റെ സഹോദരന്‍ പരേതനായ അരവിന്ദാക്ഷമേനോന്‍റെ മകനാണ് മൂവാറ്റുപുഴ കൊടയ്ക്കാടത്ത് വീട്ടില്‍ ദിനേശ്. പരേതയായ പത്മാവതിയമ്മയാണ് അമ്മ. സംസ്ഥാന പ്രൊഫഷണല്‍ നാടകമത്സരത്തില്‍ ഇത്തവണ സഹനടനുള്ള അവാര്‍ഡ് ദിനേശിനായിരുന്നു. അമേച്വര്‍ നാടകങ്ങളിലൂടെ രംഗത്തുവന്ന ദിനേശ് പ്രഫഷണല്‍ നാടകരംഗത്ത് സജീവമായിരുന്നു
