29 May, 2023 10:32:05 AM
വിലാസം ചോദിച്ചെത്തി; പെൺകുട്ടികളെ പീഡിപ്പിക്കാൻ ശ്രമിച്ച ഡെലിവറി ബോയ് പിടിയിൽ
തിരുവനന്തപുരം: വിലാസം ചോദിച്ചെത്തി പെൺകുട്ടിയെ വീട്ടിൽ കയറി പീഡിപ്പിക്കാൻ ശ്രമിച്ച ഫുഡ് ഡെലിവറി ബോയ് അറസ്റ്റിൽ. നെയ്യാറ്റിൻകര കടവട്ടാരം ചിറ്റാക്കോട് കൊട്ടാരത്തു വിള വീട്ടിൽ രതീഷ് (32)നെയാണ് പോക്സോ കേസിൽ പൂവാർ പോലീസ് അറസ്റ്റ് ചെയ്തത്.
ഭക്ഷണ വിതരണത്തിനുള്ള വിലാസം ചോദിച്ചെത്തിയ ഇയാൾ വീട്ടിൽ വരുമ്പോൾ ഇളയ പെൺകുട്ടി മൊബൈലിൽ ഗെയിം കളിക്കുകയും ചേച്ചി മുറ്റം തൂക്കുകയുമായിരുന്നു.
ബുള്ളറ്റിലെത്തിയ പ്രതി വിലാസം അറിയാമോ എന്ന് അന്വേഷിച്ച ശേഷം കുടിക്കാൻ വെള്ളം ചോദിച്ചു. വെള്ളം എടുക്കാൻ അടുക്കളയിൽ പോയ ചേച്ചിയുടെ പിന്നാലെ പോയാണ് ഇയാൾ കുട്ടിയെ ഉപദ്രവിച്ചത്. തിരിച്ച് വരുമ്പോൾ അനുജത്തിയേയും സമാനമായ രീതിയിൽ ഉപദ്രവിച്ചതായാണ് പരാതിയെന്ന് പൊലീസ് പറഞ്ഞു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
