22 May, 2023 04:54:26 PM
കാട്ടാക്കട കോളേജിലെ ആൾമാറാട്ടം: വിശാഖിനെ സസ്പെൻഡ് ചെയ്തു
തിരുവനന്തപുരം: കാട്ടാക്കട ക്രിസ്റ്റ്യൻ കോളേജിലെ യൂണിയൻ ഭാരവാഹികളുടെ പട്ടികയിൽ തിരിമറി നടത്തിയതുമായി ബന്ധപ്പെട്ട് എസ്എഫ്ഐ നേതാവ് എ.വിശാഖിനെ കോളേജ് സസ്പെൻഡ് ചെയ്തു. വിശാഖിനെതിരേ ആൾമാറാട്ടക്കേസിൽ പൊലീസ് കേസെടുത്തതിനു പിന്നാലെയാണ് കോളെജ് നടപടി സ്വീകരിച്ചത്.
വിശാഖിനെ കോളേജിൽ നിന്ന് പുറത്താക്കണോ എന്നതുൾപ്പെടെയുള്ള വിഷയങ്ങളിൽ അന്വേഷണം പൂർത്തിയായതിനു ശേഷം മാനേജ്മെന്‍റ് തീരുമാനമെടുക്കും. ആൾമാറാട്ടക്കേസിൽ കോളേജ് മുൻ പ്രിൻസിപ്പൽ ഡോ.ജെ.ജെ ഷൈജുവിനെ ഒന്നാം പ്രതിയും വിശാഖിനെ രണ്ടാം പ്രതിയുമാക്കിയാണ് കേസ് രജിസ്റ്റർ ചെയ്തിരിക്കുന്നത്.
