07 March, 2023 08:03:35 PM
തലസ്ഥാനത്ത് പൊങ്കാല തിരക്കിനിടെ ഗുണ്ടാആക്രമണം; കുപ്രസിദ്ധ ഗുണ്ടയ്ക്ക് വെട്ടേറ്റു
തിരുവനന്തപുരം: തലസ്ഥാന നഗരിയിൽ പൊങ്കാല തിരക്കിനിടെ ഗുണ്ടാആക്രമണം. കുപ്രസിദ്ധ ഗുണ്ട ലുട്ടാപ്പി സതീഷിനെ ഒരു സംഘം വെട്ടി പരിക്കേൽപ്പിച്ചു. തിരുവനന്തപുരം ശ്രീകണ്ഠേശ്വരം ഇരുമ്പ് പാലത്തിന് സമീപത്താണ് സംഭവം. ഇന്നോവ കാറിലെത്തിയ സംഘമാണ് ലുട്ടാപ്പി സതീഷിനെ വെട്ടി പരിക്കേൽപ്പിച്ചതെന്ന് ദൃക്സാക്ഷികൾ വ്യക്തമാക്കി. ഗുരുതര പരിക്കേറ്റ സതീഷിനെ സ്വകാര്യ ആശുപത്രിയിൽ പ്രവേശിപ്പിച്ചു. സതീഷിന്റെ മുൻ സുഹൃത്ത് സന്തോഷ് വേലായുധനും സംഘവുമാണ് ആക്രമണത്തിന് പിന്നിലെന്നാണ് വിവരം.
