11 October, 2022 08:27:03 AM
അധ്യാപികയെ മര്‍ദിച്ചെന്ന പരാതി; എല്‍ദോസ് കുന്നപ്പിള്ളിക്കെതിരെ കേസെടുത്തേക്കും
തിരുവനന്തപുരം: അധ്യാപികയെ മര്‍ദിച്ചെന്ന പരാതിയില്‍ പെരുമ്പാവൂര്‍ എംഎല്‍എ എല്‍ദോസ് കുന്നപ്പിള്ളിക്ക് എതിരെ പോലീസ് കേസ് എടുക്കാന്‍ സാധ്യത. പരാതി നല്‍കിയ അധ്യാപിക ഇന്നു പോലീസിന് വിശദമായ മൊഴി നല്‍കും. കോവളത്തു വച്ച് കാറില്‍ യാത്ര ചെയ്യവേ എംഎല്‍എ മര്‍ദിച്ചു എന്നാണ് പരാതി. എന്നാല്‍ അധ്യാപികയെ മര്‍ദിച്ചെന്ന ആരോപണം എല്‍ദോസ് കുന്നപ്പിള്ളി നിഷേധിച്ചു. താന്‍ ആരേയും മര്‍ദിച്ചിട്ടില്ലെന്നും ആരോപണം നിയമപരമായി നേരിടുമെന്നുമായിരുന്നു എംഎല്‍എയുടെ പ്രതികരണം.
