15 June, 2022 01:56:09 PM
മുഖ്യമന്ത്രിക്ക് പാതയൊരുക്കാൻ ബൈക്കിലെത്തിയ യുവാവിനെ കസ്റ്റഡിയിലെടുത്തു
തിരുവനന്തപുരം: തിരുവനന്തപുരം പിഎംജിയിൽ ബൈക്കിലെത്തിയ യുവാവിനെ തടഞ്ഞ് പോലീസ് കസ്റ്റഡിയിലെടുത്തു. മസ്കറ്റ് ഹോട്ടലിൽ നടക്കുന്ന ലോക കേരള മധ്യമസഭയുടെ ഉദ്ഘാടനത്തിന് മുഖ്യമന്ത്രി പിണറായി വിജയൻ എത്താനിരിക്കെയാണ് യുവാവിനെ പോലീസ് കസ്റ്റഡിയിലെടുത്തത്.
മുഖ്യമന്ത്രിയെ കരിങ്കൊടി കാണിക്കാനെത്തിയ രണ്ട് യൂത്ത് കോണ്ഗ്രസ് പ്രവർത്തകരെയും പോലീസ് കസ്റ്റഡിയിലെടുത്തിട്ടുണ്ട്. ഇതിനു പിന്നാലെയാണ് ബൈക്കിലെത്തിയ യുവാവിനെ പിടികൂടിയത്. പിന്നീട് ഇയാൾ മുഖ്യമന്ത്രിക്കെതിരെ മുദ്രാവാക്യം മുഴക്കുകയും ചെയ്തു. ഐഡി കാർഡ് ധരിച്ചെത്തുന്ന മാധ്യമപ്രവർത്തകരെ മാത്രമാണ് പോലീസ് മസ്കറ്റ് ഹോട്ടലിലേക്ക് കടത്തിവിടുന്നത്
