08 April, 2022 10:08:29 AM
സ്വകാര്യ ഗോഡൗണിലേക്ക് റേഷന്‍ അരി കടത്താന്‍ ശ്രമം; പാറശാലയിൽ രണ്ട് പേര്‍ പിടിയില്‍
തിരുവനന്തപുരം: സ്വകാര്യ ഗോഡൗണിലേക്ക് മാറ്റാന്‍ ശ്രമിച്ച റേഷന്‍ അരി പിടികൂടി. തിരുവനന്തപുരം പാറശാലയിലാണ് സംഭവം. സംഭവവുമായി ബന്ധപ്പെട്ട് രണ്ട് പേരെ പോലീസ് അറസ്റ്റ് ചെയ്തു. കൊല്ലങ്കോട് സ്വദേശി അജിന്‍, ഉച്ചക്കട സ്വദേശി സൈമണ്‍ എന്നിവരാണ് അറസ്റ്റിലായത്. സ്‌കോര്‍പ്പിയോയിലും പിക്കപ്പിലുമായി മൂന്ന് ടണ്‍ റേഷന്‍ അരിയാണ് കടത്താന്‍ ശ്രമിച്ചത്. പോലീസിന് ലഭിച്ച വിവരത്തെ തുടര്‍ന്ന് നടത്തിയ പരിശോധനയിലാണ് അരി കടത്ത് കണ്ടെത്തിയത്.
