27 January, 2022 05:48:10 PM
ധനുവച്ചപുരത്ത് ഗുണ്ടാ ആക്രമണം: വാഹനങ്ങൾ തകർത്തു; മൂന്നു പേർ കസ്റ്റഡിയിൽ
തിരുവനന്തപുരം: ധനുവച്ചപുരത്ത് വീണ്ടും ഗുണ്ടകളുടെ അഴിഞ്ഞാട്ടം. കഴിഞ്ഞ രാത്രിയാണ് സംഭവമുണ്ടായത്. ആക്രമണത്തിനിടെ സംഘം നിരവധി വാഹനങ്ങൾ അടിച്ചുതകർത്തു. പ്രദേശത്തെ കോളജിലേക്ക് പെട്രോൾ ബോംബെറിഞ്ഞ് ഭീതി പരത്തുകയും ചെയ്തു. രാത്രിയോടെ ബൈക്കിലെത്തിയ സംഘമാണ് അഴിഞ്ഞാടിയത്.
റെയിൽവേ ക്രോസിന് സമീപത്തെ ഡ്രൈവിംഗ് സ്കൂൾ സ്ഥാപനത്തിന്‍റെ വണ്ടിയും തകർത്തു. പെട്രോൾ നിറച്ച കുപ്പിക്കൾ കോളജ് പരിസരത്തേക്ക് എറിയുകയായിരുന്നു. കോളജിന്റെ കൊടിമരവും അക്രമികൾ നശിപ്പിച്ചു. അക്രമവുമായി ബന്ധപ്പെട്ട് മൂന്ന് പേർ പോലീസ് പിടിയിലായിട്ടുണ്ട്. ഇവരെ ചോദ്യം ചെയ്തു വരികയാണ്
