30 October, 2021 08:19:01 AM
ബിജെപിയുടെ വട്ടിയൂർക്കാവിലെ മണ്ഡലം ഓഫീസ് പോലീസ് പൊളിച്ചു നീക്കി
തിരുവനന്തപുരം: ബിജെപിയുടെ വട്ടിയൂർക്കാവ് നിയോജക മണ്ഡലം ഓഫീസ് പോലീസ് പൊളിച്ച് നീക്കി. വെള്ളിയാഴ്ച രാത്രി ജെസിബി ഉപയോഗിച്ചാണ് ഓഫീസ് പൊളിച്ച് നീക്കിയത്. സ്വകാര്യ വ്യക്തിയുടെ സ്ഥലത്ത് കെട്ടിയിരുന്ന ഓഫീസാണ് പൊളിച്ചത്. ഓഫീസ് പൊളിക്കാനായി പോലീസ് എത്തിയതോടെ പ്രതിഷേധവുമായി ബിജെപി പ്രവർത്തകർ രംഗത്തെത്തി. പിന്നീട് പോലീസും ബിജെപി പ്രവർത്തകരും തമ്മില്‍ വാക്കേറ്റവും ഉന്തും തള്ളും ഉണ്ടായി. ഇതോടെ കൂടതല്‍ പോലീസിനെ സ്ഥലത്ത് വിന്ന്യസിച്ചശേഷമാണ് ഓഫീസ് പൊളിച്ചത്.
