27 July, 2021 09:26:42 PM
യുവാവിനെ വെട്ടി പരിക്കേല്‍പ്പിച്ച സംഘത്തിലെ രണ്ട് പേര്‍ അറസ്റ്റില്‍
കഴക്കൂട്ടം: യുവാവിനെ വെട്ടി പരിക്കേല്‍പ്പിച്ച സംഘത്തിലെ രണ്ട് പേര്‍ കഠിനംകുളം പോലീസിന്‍റെ പിടിയിലായി. നിരവധി കേസുകളിലെ പ്രതികളായ കഠിനംകുളം മുണ്ടന്‍ചിറ സ്വദേശി വിഷ്ണു (23), പെരുമാതുറ തെരുവില്‍ തൈവിളാകത്ത് വീട്ടില്‍ ഷാനിഫര്‍ (28) എന്നിവരാണ് പിടിയിലായത്.
മുന്‍ വൈരാഗ്യത്തിന്‍റെ പേരില്‍ കഴിഞ്ഞ ദിവസമാണ് മൂന്നംഗ സംഘം മര്യനാട് സ്വദേശി സേവ്യര്‍ (40) നെ വെട്ടി പരിക്കേല്‍പ്പിച്ചത്. സംഘത്തിലുള്ള ഒരാളെ പിടികൂടാനായിട്ടില്ല. തിങ്കളാഴ്ച ഉച്ചയ്ക്ക് ഒരു മണിയോടെ പുതുക്കുറിച്ചിക്കു സമീപമായിരുന്നു സംഭവം.
