19 June, 2021 11:52:40 AM
ബൈക്കിൽ നിന്ന് റോഡിലേക്ക് തെറിച്ചു വീണ് യുവതിക്കു ദാരുണാന്ത്യം
കാട്ടാക്കട: ബൈക്കിൽ നിന്ന് വീണ് യുവതി മരിച്ചു. വെളിയന്നൂർ ചൈത്രശ്രീയിൽ സുനിൽ കുമാറിന്‍റെ ഭാര്യ സൗമ്യ (36) ആണ് മരിച്ചത്. വെള്ളിയാഴ്ച വൈകുന്നേരം 4.30 ഓടെ വെള്ളനാട് നാലുമുക്കിന് സമീപമാണ് അപകടം നടന്നത്. പാങ്ങോട് പട്ടാള ക്യാന്പിലെ കാന്‍റീനിലെ ജീവനക്കാരിയായ സൗമ്യ ബന്ധുവിനൊപ്പം വീട്ടിലേക്ക് ബൈക്കിൽ വരുന്നതിനിടെ പിൻസീറ്റിൽ നിന്ന് റോഡിലേക്ക് തലയടിച്ച് വീഴുകയായിരുന്നു. ഉടൻ മെഡിക്കൽ കോളജ് ആശുപത്രിയിലും എത്തിച്ചെങ്കിലും മരിച്ചു.
