17 August, 2020 07:24:59 AM
തിരുവനന്തപുരം ഫോർട്ട് സ്റ്റേഷനിൽ കസ്റ്റഡിയിലെടുത്തയാൾ തൂങ്ങി മരിച്ചു
തിരുവനന്തപുരം: ഫോർട്ട് സ്റ്റേഷനിൽ കസ്റ്റഡിയിലെടുത്തയാൾ തൂങ്ങി മരിച്ചു. അൻസാരി എന്നയാളാണ് തൂങ്ങിമരിച്ചത്. മൊബൈൽ മോഷണവുമായി ബന്ധപ്പെട്ടാണ് ഇയാളെ കസ്റ്റഡിയിലെടുത്തത്. ഞായറാഴ്ച വൈകുന്നേരം അഞ്ചോടെ നാട്ടുകാരാണ് പിടികൂടി പോലീസിന് കൈമാറിയത്. സ്റ്റേഷനു സമീപമുള്ള ശിശു സൗഹൃദ കെട്ടിടത്തിലാണ് ഇയാളെ ഇരുത്തിയിരുന്നത്. ശുചിമുറിയിൽ പോയ ശേഷം തൂങ്ങുകയായിരുന്നു. തുടർന്നു മെഡിക്കൽ കോളജിൽ എത്തിച്ചെങ്കിലും മരിക്കുകയായിരുന്നു.
