10 August, 2020 03:26:24 PM
വെഞ്ഞാറമ്മൂട്ടില്‍ അര്‍ധരാത്രിയില്‍ വീടാക്രമിച്ച് യുവാവിന്‍റെ കാല്‍ തല്ലിയൊടിച്ചു
തിരുവനന്തപുരം: വെഞ്ഞാറമ്മൂട്ടില്‍ അര്‍ധരാത്രിയില്‍ വീട് കയറി ആക്രമിച്ച സംഘം യുവാവിന്‍റെ കാലുകൾ അടിച്ചൊടിച്ചു. വെഞ്ഞാറമൂട് കുട്ടിമൂട് കുന്നുമുകൾ സ്വദേശി മണികണ്ഠൻ നായരെ(41) യാണ് ആക്രമിച്ചത്. അർധരാത്രി 12-നാണ് സംഭവം. സംഭവ സമയം സഹോദരൻ മാത്രമാണ് വീട്ടിൽ ഉണ്ടായിരുന്നത്. ഗുരുതരമായി പരിക്കേറ്റ മണികണ്ഠനെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. വെഞ്ഞാറമൂട് പോലീസ് സ്ഥലത്തെത്തി പരിശോധന നടത്തി. അക്രമികൾക്കായി പോലീസ് തിരച്ചിൽ തുടങ്ങി.
