13 July, 2020 04:14:30 PM
തലസ്ഥാനത്ത് രണ്ട് വനിത പൊലീസുകാര്‍ക്ക് കൂടി കോവിഡ് സ്ഥിരീകരിച്ചു
തിരുവനന്തപുരം: തലസ്ഥാനത്ത് രണ്ട് വനിത പൊലീസുകാര്‍ക്ക് കൂടി കോവിഡ് സ്ഥിരീകരിച്ചു. കന്‍റോന്‍മെന്‍റ് , ഫോര്‍ട്ട് സ്റ്റേഷനുകളിലെ പൊലീസുകാര്‍ക്കാണ് രോഗം സ്ഥിരീകരിച്ചത്. കഴിഞ്ഞ ദിവസം എ.ആര്‍. ക്യാമ്പിലെ രണ്ട് പൊലീസുകാര്‍ക്ക് കോവിഡ് സ്ഥിരീകരിച്ചിരുന്നു. എ.ആര്‍ ക്യാമ്പില്‍ അഞ്ച് പൊലീസുകാരാണ് ഇതുവരെ രോഗബാധിതരായത്. അതേസമയം, പൂന്തുറ, മാണിക്യവിളാകം, പുത്തന്‍പള്ളി വാര്‍ഡുകളെ ട്രിപ്ള്‍ ലോക്ഡൗണില്‍ നിലനിര്‍ത്തി തിരുവനന്തപുരം കോര്‍പറേഷന്‍ പരിധിയില്‍ ഒരാഴ്ചകൂടി കര്‍ശന ലോക്ഡൗണ്‍ നിയന്ത്രണങ്ങള്‍ പ്രഖ്യാപിച്ചിരിക്കുകയാണ് സര്‍ക്കാര്‍.
