20 June, 2020 12:00:51 AM
തിരുവനന്തപുരത്ത് ഓട്ടോറിക്ഷാ ഡ്രൈവർക്ക് സമ്പർക്കത്തിലൂടെ കോവിഡ്
തിരുവനന്തപുരം: ജില്ലയിൽ സമ്പർക്കത്തിലൂടെ ഓട്ടോറിക്ഷാ ഡ്രൈവർക്കും കോവിഡ്. മണക്കാട് ഐരാണിമുട്ടം സ്വദേശിയാണ് ഓട്ടോ ഡ്രൈവർ. ഇയാളുടെ ഭാര്യ (42 ) മകള്‍ (14) എന്നിവർക്കും രോഗം സ്ഥിരീകരിച്ചു. ഇവർക്ക് എവിടെ നിന്നാണ് രോഗബാധ ഉണ്ടായതെന്ന് വ്യക്തമല്ല.
ജൂണ്‍ 12 വരെ തിരുവനന്തപുരം നഗരത്തില്‍ ഇയാൾ ഓട്ടോ ഓടിച്ചിട്ടുണ്ട്. രോഗ ലക്ഷണങ്ങള്‍ ഉണ്ടായതിനെ തുടര്‍ന്നു പരിശോധന നടത്തിയപ്പോഴാണ് രോഗം കണ്ടെത്തിയത്. മൂന്ന് പേരും തിരുവനന്തപുരം ജനറല്‍ ആശുപത്രിയില്‍ ചികിത്സിയിലാണ്. ഇവരുൾപ്പെടെ ജില്ലയിൽ ഇന്ന് എട്ട് പേർക്കാണ് രോഗം സ്ഥിരീകരിച്ചത്.
