28 May, 2020 02:18:23 PM
രണ്ടു മാസമായി ശമ്പളമില്ല; 108 ആംബുലന്‍സ് ജീവനക്കാര്‍ മിന്നല്‍ പണിമുടക്കില്‍
തിരുവനന്തപുരം: 108 ആംബുലന്‍സ് ജീവനക്കാര്‍ തിരുവനന്തപുരത്ത് മിന്നല്‍ പണിമുടക്കില്‍. ശമ്പളം ലഭിക്കാത്തതില്‍ പ്രതിഷേധിച്ചാണ് പണിമുടക്ക്. ജീവനക്കാര്‍ വ്യാഴാഴ്ച രാവിലെ പത്തു മുതല്‍ സര്‍വീസ് നിര്‍ത്തി വച്ചു. രണ്ടു മാസമായി ആര്‍ക്കും ശമ്പളം ലഭിച്ചിട്ടില്ല. കോവിഡ് പ്രതിരോധ പ്രവർത്തങ്ങൾക്കായി ഉപയോഗിച്ചിരുന്ന ആംബുലൻസും സർവീസ് നിർത്തി വച്ചിരിക്കുകയാണ്. ആംബുലന്‍സുകളെല്ലാം ഡിഎംഒ ഓഫീസിനു മുന്‍പില്‍ നിര്‍ത്തിയിട്ടിരിക്കുകയാണ്. ജനുവരി മുതലുള്ള ശമ്പളത്തിന്‍റെ കുടിശികയും ലഭിക്കാനുണ്ട്
