24 May, 2020 07:34:23 PM
കോവിഡ് രോഗികളില്‍ റിമാന്‍ഡ് പ്രതിയും; വെഞ്ഞാറമൂട്ടിലെ പൊലീസുകാര്‍ ക്വാറന്‍റയിനില്‍
തിരുവനന്തപുരം: സംസ്ഥാനത്ത് ഞായറാഴ്ച കോവിഡ് സ്ഥിരീകരിച്ചവരില്‍ ഒരാള്‍ റിമാന്‍ഡ് പ്രതി. റിമാന്‍ഡ് പ്രതിക്ക് കോവിഡ് സ്ഥിരീകരിച്ചതിനെ തുടര്‍ന്ന് ഇയാളുമായി അടുത്തിടപഴകിയ പൊലീസുകാരെ നിരീക്ഷണത്തിലാക്കി. അഞ്ചുമണിക്കൂറോളം ഇയാള്‍ സ്റ്റേഷനില്‍ ചെലവഴിച്ചതായാണ് വിവരം.
തിരുവനന്തപുരം വെഞ്ഞാറമൂട് സ്‌റ്റേഷനിലെ 30 ഓളം പൊലീസ് ഉദ്യോഗസ്രെയാണ് നിരീക്ഷണത്തിലാക്കിയത്. റിമാന്‍ഡ് പ്രതിയായ ഇയാളെ ജയിലില്‍ കൊണ്ടു പോകും മുമ്ബ് നടത്തിയ പരിശോധനയിലാണ് കോവിഡ് സ്ഥിരീകരിച്ചത്. തിരുവനന്തപുരം മെഡിക്കല്‍ കോളജിലേക്ക് ഇയാളെ ഉടന്‍ മാറ്റും.
ഇയാള്‍ക്ക് രോഗബാധയുണ്ടായതെങ്ങനെ എന്ന് വ്യക്തമല്ല. മദ്യപിച്ച്‌ വാഹനം ഓടിച്ചതിനും അക്രമം കാട്ടിയതിനും മദ്യം സൂക്ഷിച്ചതിനുമാണ് ഇയാളെ പൊലീസ് കസ്റ്റഡിയിലെടുത്തത്. ഇയാളെ പാര്‍പ്പിച്ചിരുന്നത് തിരുവനന്തപുരം സബ്ജയിലിലെ അഞ്ച് സെല്ലുകളുള്ള ബ്ലോക്കിലാണ്. അതിനാല്‍ ജയിലില്‍ സമ്ബര്‍ക്കത്തിലായവരുടെയും പട്ടിക തയാറാക്കി വരികയാണ്. സംസ്ഥാനത്ത് ഇതാദ്യമായാണ് തടവുകാരന് കോവിഡ് സ്ഥിരീകരിക്കുന്നത്.
