20 January, 2020 08:51:59 AM
നേത്രാവതി നദിയിൽ ബോട്ട് മറിഞ്ഞ് പെൺകുട്ടി മരിച്ചു; രണ്ട് പേർ ഗുരുതരാവസ്ഥയിൽ
ബംഗളൂരു: കർണാടകയിലെ നേത്രാവതി നദിയിൽ ബോട്ട് മറിഞ്ഞ് പെൺകുട്ടി മരിച്ചു. മിയാപഡവു സ്വദേശിനിയായ റെനിറ്റ(18) ആണ് മരിച്ചത്. മിലാഗ്രസ് കോളജിലെ അവസാന വർഷ കൊമേഴ്സ് വിദ്യാർഥിനിയാണ് റെനിറ്റി. ഉല്ലലിലെ ഉലിയെ ഹോഗെയിൽ ഞായറാഴ്ച വൈകുന്നേരമാണ് സംഭവം. ശക്തമായ കാറ്റില്‍ ബോട്ട് മറിയുകയായിരുന്നു.
ബോട്ടിലുണ്ടായിരുന്ന ആരും തന്നെ ലൈഫ് ജാക്കറ്റ് ധരിച്ചിരുന്നില്ല. ആറു പെൺകുട്ടികൾ അടക്കം എട്ടു പേർ ബോട്ടിലുണ്ടായിരുന്നു. പ്രദേശവാസികളാണ് രക്ഷാപ്രവർത്തനം നടത്തിയത്. ആശുപത്രിയിൽ പ്രവേശിപ്പിച്ച ഇവരിൽ രണ്ടു പേരുടെ നിലഗുരുതരമാണ്.
