06 October, 2026 09:40:19 AM
കോഴിക്കോട് ബൈക്കും കാറും കൂട്ടിയിടിച്ച് അപകടം; യുവാവിന് ദാരുണാന്ത്യം
കോഴിക്കോട്: കോഴിക്കോട് ബൈക്കും കാറും കൂട്ടിയിടിച്ച് യുവാവ് മരിച്ചു. മലപ്പുറം അരീക്കോട് സ്വദേശി ഷിജിത്ത്(28) ആണ് മരിച്ചത്. ഇന്ന് പുലർച്ചെയാണ് കോഴിക്കോട് നഗരത്തിലെ സി.എച്ച്. മേൽപ്പാലത്തിന് സമീപം ദാരുണമായ വാഹനാപകടം നടന്നത്. ബൈക്കും കാറും തമ്മിൽ കനത്ത ആഘാതത്തിൽ കൂട്ടിയിടിക്കുകയായിരുന്നു. വാഹനങ്ങൾ തമ്മിലുള്ള ഇടിയുടെ ആഘാതത്തിൽ സംഭവസ്ഥലത്തുവെച്ചു തന്നെ ഷിജിത്ത് മരണപ്പെടുകയായിരുന്നു. വാഹനങ്ങളുടെ അമിതവേഗതയാണ് അപകടത്തിലേക്ക് നയിച്ചതെന്നാണ് സംഭവ സ്ഥലത്തുണ്ടായിരുന്ന ദൃക്സാക്ഷികൾ നൽകുന്ന പ്രാഥമിക വിവരങ്ങൾ. എന്നാൽ അപകടത്തിന്റെ കൃത്യമായ കാരണം വ്യക്തമാകാൻ കൂടുതൽ പരിശോധനകൾ ആവശ്യമാണ്.
