18 January, 2020 09:26:08 AM
കേരളത്തിലേക്ക് കടത്താൻ സൂക്ഷിച്ച വൻ സ്പിരിറ്റ് ശേഖരം തമിഴ്നാട്ടിൽ പിടികൂടി
പാലക്കാട്: കേരളത്തിലേക്ക് കടത്താൻ സൂക്ഷിച്ച വൻ സ്പിരിറ്റ് ശേഖരം തമിഴ്നാട്ടിൽ പിടികൂടി. ഐബിയും എക്സൈസ് സ്പെഷൽ സ്ക്വാഡും നടത്തിയ സംയുക്ത പരിശോധനയിൽ 15,750 ലിറ്റർ സ്പിരിറ്റാണ് പിടിച്ചെടുത്തത്.
തമിഴ്നാട് തിരുപ്പൂർ ചിന്നകാനുർ ഭാഗത്തു രഹസ്യ ഗോഡൗണിലാണ് സ്പിരിറ്റ് സൂക്ഷിച്ചിരുന്നത്. പിടികൂടിയ സ്പിരിറ്റിന് 50 ലക്ഷം രൂപ വിലവരുമെന്ന് എക്സൈസ് വൃത്തങ്ങൾ അറിയിച്ചു. സംഭവത്തിൽ ആരെയും പിടികൂടിയിട്ടില്ല.
