05 October, 2019 12:13:44 PM
തിരുവനന്തപുരം ആര്യനാട് സ്റ്റേഷനിലെ സിവില്‍ പോലിസ് ഓഫീസര്‍ വീടിനടുത്ത് തൂങ്ങി മരിച്ച നിലയില്‍
തിരുവനന്തപുരം: പോലിസ് ഉദ്യോഗസ്ഥനെ ആത്മഹത്യ ചെയ്ത നിലയില്‍ കണ്ടെത്തി. തിരുവനന്തപുരം ആര്യനാട് പോലിസ് സ്റ്റേഷനിലെ സിവില്‍ പോലിസ് ഓഫീസര്‍ ചുള്ളിമാനൂര്‍ കുറളിയോട് സ്വദേശി പ്രവീണ്‍ കുമാറാ (44) ണ് മരിച്ചത്. വീട്ടിലെ കിണറിനോട് ചേര്‍ന്ന് തൂങ്ങിയ നിലയിലാണ് ഇന്നു രാവിലെ മൃതദേഹം കണ്ടെത്തിയത്. ആര്യനാട് പോലിസ് സ്ഥലത്തെത്തി മേല്‍നടപടികള്‍ സ്വീകരിച്ചു. മൃതദേഹം പോസ്റ്റുമോര്‍ട്ടത്തിനായി ആശുപത്രിയിലേക്ക് മാറ്റി. ആരോഗ്യപ്രശ്‌നങ്ങളെ തുടര്‍ന്ന് കുറച്ച്‌ ദിവസമായി പ്രവീണ്‍കുമാര്‍ മെഡിക്കല്‍ അവധിയിലായിരുന്നു.
