01 October, 2019 12:04:34 PM
സെന്‍കുമാറിനെതിരെ ഫേസ് ബുക്കില്‍ അപകീര്‍ത്തികരമായ പോസ്റ്റ്: മൂന്നു പേര്‍ക്കെതിരെ കേസെടുത്തു
തിരുവനന്തപുരം: മുന്‍ ഡി.ജി.പി സെന്‍കുമാറിനെതിരെ അപകീര്‍ത്തികരമായ പോസ്റ്റിട്ടതിന് പോലീസ് കേസെടുത്തു. സെന്‍കുമാര്‍ ജില്ലാ പോലീസ് മേധാവിക്ക് നല്‍കിയ പരാതിയുടെ അടിസ്ഥാനത്തിലാണ് കേസെടുത്തിരിക്കുന്നത്. ഫേസ്ബുക്കിലൂടെ അപകീര്‍ത്തി ഉണ്ടാക്കുന്ന തരത്തില്‍ പോസ്റ്റ് ഇട്ടതിന്‍റെ അടിസ്ഥാനത്തിലാണ് സെന്‍കുമാര്‍ പരാതി നല്‍കിയത്.
ഫേസ്ബുക്ക് പ്രൊഫൈലില്‍ പോസ്റ്റിട്ട മൂന്നു പേര്‍ക്കെതിരെയാണ് പോലീസ് കേസെടുത്തിട്ടുള്ളത്. ഇത് ശരിക്കുള്ള പ്രൊഫൈല്‍ ആണോ വ്യാജ പ്രൊഫൈല്‍ ആണോ എന്ന് സ്ഥിരീകരിച്ചിട്ടില്ല. പ്രധാനമന്ത്രിയുമായി ബന്ധപ്പെടുത്തിയാണ് അപകീര്‍ത്തികരമായ പോസ്റ്റ്. ജില്ലാ പോലീസ് മേധാവിക്ക് നല്‍കിയ പരാതി വട്ടിയൂര്‍ക്കാവ് സ്റ്റേഷനിലേക്ക് കൈമാറുകയായിരുന്നു.
