15 November, 2024 07:29:18 PM
പ്രഫ.സാബു തോമസിന് സത്ബയേവ് സര്‍വകലാശാലയുടെ ആദരം
കോട്ടയം: മഹാത്മാ ഗാന്ധിസര്‍വകലാശാലാ മുന്‍ വൈസ് ചാന്‍സലറും സ്കൂള്‍ ഓഫ് നാനോസയന്‍സ് ആന്‍റ് നാനോ ടെക്നോളജി ഡയറ്കടറുമായ പ്രഫ. സാബു തോമസിനെ കസാഖ്സ്ഥാനിലെ സതബയേവ് സര്‍വകലാശാല ഹോണററി പ്രഫസര്‍ പദവി നല്‍കി ആദരിച്ചു. സര്‍വകലാശാലയുടെ 90-ാം വാര്‍ഷികാഘോഷത്തിന്‍റെ ഭാഗമായി നാലാം വ്യവസായ വിപ്ലവത്തിന്‍റെ വെല്ലുവിളികള്‍ എന്ന വിഷയത്തില്‍ സംഘടിപ്പിച്ച രാജ്യാന്തര സമ്മേളനത്തോടനുബന്ധിച്ചായിരുന്നു ആദരിക്കല്‍.
പോളിമര്‍ സയന്‍സ്, നാനോ ടെക്നോളജി മേഖലകള്‍ക്ക് പ്രഫ. സാബു തോമസ് നല്‍കിയ സംഭാവനകള്‍ പരിഗണിച്ചാണിത്. നാനോ ടെക്നളോജിയുടെ ഭാവിസാധ്യതകളെക്കുറിച്ച് സമ്മേളനത്തില്‍ അദ്ദേഹം പ്രഭാഷണം നടത്തി.
