15 June, 2023 06:41:29 PM
വയനാട്ടില്‍ കാട്ടാനയിറങ്ങി; തുരത്താന്‍ കുങ്കിയാനകളെ ഇറക്കി വനംവകുപ്പ്
കല്പറ്റ : പുല്‍പ്പള്ളി ഇരുളത്ത് ഇറങ്ങിയ കാട്ടാനകളെ തുരത്താന്‍ കുങ്കിയാനകളെ ഇറക്കി വനംവകുപ്പ്. പ്രദേശത്ത് കാട്ടാനശല്യം രൂക്ഷമായ സാഹചര്യത്തിലാണ് നടപടി. മുത്തങ്ങയില്‍നിന്നുള്ള ഉണ്ണികൃഷ്ണന്‍, കുഞ്ചു എന്നീ കുങ്കിയാനകളാണ് ദൗത്യത്തില്‍ പങ്കെടുക്കുക. ഉണ്ണികൃഷ്ണനെ നിലവില്‍ ഇവിടെയെത്തിച്ചിട്ടുണ്ട്. കുങ്കികള്‍ പ്രദേശവുമായി ഇണങ്ങിയ ശേഷമാകും ദൗത്യത്തിന് ഇറക്കുക. അടുത്ത മൂന്ന് ദിവസത്തിനുള്ളില്‍ ഏറ്റവും അനുയോജ്യമായ സമയത്ത് ദൗത്യം നടത്തുമെന്ന് വനംവകുപ്പ് അറിയിച്ചു.
