30 May, 2023 04:13:53 PM
കൊച്ചിയിൽ പൊലീസ് ഉദ്യോഗസ്ഥന്‍ ആത്മഹത്യ ചെയ്ത നിലയിൽ
എറണാകുളം: കൊച്ചിയിൽ പൊലീസ് ഉദ്യോഗസ്ഥന്‍ ആത്മഹത്യ ചെയ്ത നിലയിൽ. മുളന്തുരുത്തി സ്റ്റേഷനിലെ സിപിഒ ഷൈന്‍ ജിത്ത് (45) ആണ് മരിച്ച നിലയിൽ കണ്ടെത്തിയത്. ചൊവ്വാഴ്ച ഉച്ചയോടെയാണ് സംഭവം.
ഈ മാസം 22 മുതൽ മെഡിക്കൽ അവധിയിലായിരുന്നു ഇദ്ദേഹം. വിഷാദം ഉൾപ്പടെയുള്ളവയ്ക്ക് ചികിത്സയിലായിരുന്നു എന്നും റിപ്പോർട്ടുകളുണ്ട്. മെഡിക്കൽ അവധി എടുത്തതുമുതൽ വീട്ടിൽ തന്നെയായിരുന്നു. സംഭവ സമയത്ത് ഭാര്യയും അമ്മയും മകനും വീട്ടിലുണ്ടായിരുന്നു.
