27 May, 2023 03:25:34 PM
ഇടുക്കിയിൽ നിന്നും മാലിന്യം കളമശേരിയിൽ തള്ളാൻ ശ്രമം; 3 ലോറികൾ പിടികൂടി
എറണാകുളം: ഇടുക്കിയിൽ നിന്നും മൂന്നു ലോറികളിലായി കളമശേരിയിൽ തള്ളാനായി കൊണ്ടുവന്ന മാലിന്യം പിടികൂടി. നഗരസഭ ആരോഗ്യ വിഭാഗം സ്വകാഡാണ് പിടികൂടിയത്. പ്ലാസ്റ്റിക്, അറവ് മാലിന്യങ്ങളുൾപ്പെടെ കളമശേരിയിലെ പൊതുസ്ഥലത്ത് ആരും കാണാതെ തള്ളാനായിരുന്നു ശ്രമം.
കൊച്ചിയിലെയും പരിസര തദ്ദേശഭരണ സ്ഥാപനങ്ങളിലെയും മാലിന്യം സംസ്കരിക്കാൻ സാധിക്കാത്ത സാഹചര്യത്തിലാണ് മറ്റു ജില്ലകളിൽ നിന്നും മാലിന്യം ഇവിടെക്കെത്തിക്കുന്നത്. ഇതോടെ ജില്ലയിൽ പരിശോധന ശക്തമാക്കി. പുലർച്ചെ അഞ്ചുമണിവരെയുള്ള പരിശോധനക്കിടെയാണ് മൂന്നു ലോറികൾ പിടികൂടിയത്. ഈ വാഹനങ്ങൾ പൊലീസിന് കൈമാറുമെന്ന് കളമശേരി നഗരസഭ അറിയിച്ചു.
