10 April, 2023 08:42:26 AM
പാർക്കിങ് ഏരിയയിൽ കിടന്നുറങ്ങിയ സ്ത്രീയുടെ ദേഹത്ത് ലോറി കയറി ദാരുണാന്ത്യം
മലപ്പുറം: പാർക്കിങ് ഏരിയയിൽ കിടന്നുറങ്ങിയ സ്ത്രീയുടെ ദേഹത്ത് മിനി ലോറി കയറി ദാരുണാന്ത്യം. എടപ്പാൾ കണ്ണഞ്ചിറയിൽ ഞായറാഴ്ച പുലർച്ച ഒന്നോടെയാണ് അപകടം.
നാടോടിസ്ത്രീയാണ് അപകടത്തിൽ മരിച്ചത്. ഇവിടെയുള്ള ഹോട്ടലിലെ പാർക്കിങ് ഏരിയയിൽ കിടന്നുറങ്ങുകയായിരുന്ന സ്ത്രീയുടെ ദേഹത്താണ് മിനി ലോറി കയറിയത്. ഹോട്ടലിലെ മാലിന്യം എടുക്കാൻ വന്ന മിനി ലോറിയാണ് അപകടമുണ്ടാക്കിയത്. സ്ത്രീ സംഭവസ്ഥലത്തുതന്നെ മരിച്ചു. മൃതദേഹം പൊന്നാനി താലൂക്ക് ആശുപത്രി മോർച്ചറിയിൽ.
