14 March, 2023 10:28:54 AM
നുവാൽസ് ദേശീയ ഡിബേറ്റ്: ചെന്നൈ വി ഐ ടി ക്ക് ഒന്നാം സ്ഥാനം
കൊച്ചി: നുവാൽസ് നടത്തിവരുന്ന ദേശീയ ഡിബേറ്റ് (ആൾട്ടസ് ഡിസ്പുതാതിയോ) മത്സരത്തിൽ വി ഐ ടി ചെന്നൈ ഒന്നാം സ്ഥാനം നേടി. വിവിധ കോളേജുകളിൽ നിന്നായി 16 ടീമുകൾ പങ്കെടുത്ത മത്സരത്തിൽ ജേതാക്കൾക്ക് മുൻ ഐ പി എസ് ഓഫീസർ വിനോദ് തോമസ് സമ്മാനങ്ങൾ വിതരണം ചെയ്തു.
പി ഇ എസ് യൂണിവേഴ്സിറ്റി , ബാംഗ്ലൂർ മത്സരത്തിൽ രണ്ടാം സ്ഥാനം നേടി. നുവാൽസ് അസി പ്രൊഫസർ രവീന്ദ്രകുമാർ ഡി (ഡയറക്ടർ ഇൻ ചാർജ്, സെന്‍റർ ഫോര്‍ ലോ ആൻഡ് ഇക്കണോമിക്സ്) അധ്യക്ഷനായിരുന്നു. ആദ്യദിവസം മത്സരത്തിന്‍റെ ഉദ്ഘാടനം ഹൈക്കോടതി ജഡ്ജി മേരി ജോസഫ് നിർവഹിച്ചു.
