28 February, 2023 10:18:49 AM
ബ്യൂട്ടി പാർലറിന്‍റെ മറവിൽ ലഹരിമരുന്ന് വ്യാപാരം; യുവതി അറസ്റ്റില്‍
തൃശൂര്‍: ചാലക്കുടിയിൽ ബ്യൂട്ടി പാർലറിന്‍റെ മറവിൽ ലഹരിമരുന്ന് വ്യാപാരം നടത്തിയ യുവതിയെ പോലീസ് കസ്റ്റഡിയിലെടുത്തു. നായരങ്ങാടി സ്വദേശി ഷീല സണ്ണി(51) ആണ് പിടിയിലായത്. ചാലക്കുടി പട്ടണത്തിൽ പ്രവർത്തിക്കുന്ന ഷീ സ്റ്റൈൽ ബ്യൂട്ടിപാർലർ ഉടമയായ ഇവരുടെ പക്കൽ നിന്ന് 12 എൽഎസ്ഡി സ്റ്റാമ്പുകള്‍ കണ്ടെത്തി.
ലഹരിമരുന്ന് ഒളിപ്പിച്ച ബാഗുമായി ബ്യൂട്ടി പാർലറിലേക്ക് കയറുന്ന വേളയിലാണ് ഇവർ പിടിയിലായത്. വാഹനത്തിന്‍റെ അറയ്ക്കുള്ളിൽ ഒളിപ്പിച്ച നിലയിലായിരുന്നു ലഹരിമരുന്ന് കണ്ടെത്തിയത്. സംഭവത്തിൽ വിശദമായ അന്വേഷണം ആരംഭിച്ചതായി അധികൃതർ അറിയിച്ചു.
