03 July, 2022 10:20:12 PM
കുലുക്കിയാല്‍ കുലുങ്ങുന്ന സര്‍ക്കാരല്ല കേരളം ഭരിക്കുന്നത് - മന്ത്രി മുഹമ്മദ് റിയാസ്
കോഴിക്കോട്: കുലുക്കിയാല്‍ കുലുങ്ങുന്ന സര്‍ക്കാരല്ല കേരളം ഭരിക്കുന്നതെന്ന് മന്ത്രി പി.എ. മുഹമ്മദ് റിയാസ്. വികസനവുമായി സർക്കാർ മുന്നോട്ട് പോകുമ്പോൾ അതിനെ തടസപ്പെടുത്തുന്ന സമീപനമാണ് ഉണ്ടാകുന്നതെന്നും അദ്ദേഹം പറഞ്ഞു. രാഷ്ട്രീയം ആകാം, വിവാദങ്ങൾ ഉണ്ടാക്കി സർക്കാരിനെ കുലുക്കാം എന്ന് ആരും കരുതേണ്ടെന്നും അദ്ദേഹം കുറ്റപ്പെടുത്തി. പറഞ്ഞത് നടപ്പിലാക്കുന്നവരാണ് കേരളം ഭരിക്കുന്നത്.
ട്രോഫി നേടാനല്ല വികസനം നടപ്പാക്കുന്നതെന്നും അദ്ദേഹം പറഞ്ഞു. വികസന പ്രവർത്തനങ്ങളുമായി സർക്കാർ മുന്നോട്ട് പോകുമ്പോൾ അതിന്‍റെ എല്ലാ നിലയിലുള്ള സന്തോഷവും പങ്കുവയ്ക്കുന്നത് ഈ നാട്ടിലെ പൗരന്മാരാണ്. വികസന പ്രവർത്തനങ്ങൾ മെല്ലെപ്പോക്കാക്കി മാറ്റാമെന്ന് ആരും കരുതേണ്ടെന്നും മന്ത്രി പറഞ്ഞു.
