17 June, 2022 04:16:09 PM
കൂളിമാട് പാലം തകർച്ച: ഊരാളുങ്കലിന് മന്ത്രിയുടെ താക്കീത്; രണ്ട് ഉദ്യോഗസ്ഥർക്ക് സസ്പെൻഷൻ
കോഴിക്കോട്: കൂളിമാട് പാലം തകർന്ന സംഭവത്തിൽ ഊരാളുങ്കലിന് കർശന താക്കീതുമായി മന്ത്രി പി.എ. മുഹമ്മദ് റിയാസ്. മേലിൽ ഇത്തരം സംഭവങ്ങൾ ആവർത്തിക്കരുതെന്നും ആവശ്യമായ സുരക്ഷ ഉറപ്പാക്കിയതിന് ശേഷം മാത്രമേ നിർമാണ പ്രവർത്തനങ്ങൾ ആരംഭിക്കാവൂവെന്നും മന്ത്രി അറിയിച്ചു.
സംഭവത്തിൽ രണ്ട് ഉദ്യോഗസ്ഥർക്കെതിരെ നടപടി സ്വീകരിക്കാൻ മന്ത്രി നിർദേശിച്ചു. എക്സിക്യുട്ടീവ് എഞ്ചിനിയർക്കും അസിസ്റ്റന്‍റ് എഞ്ചിനിയർക്കുമെതിരെയാണ് നടപടി. പൊതുമരാമത്ത് വകുപ്പ് സെക്രട്ടറിക്കാണ് നടപടി സ്വീകരിക്കാൻ മന്ത്രി നിർദേശം നൽകിയത്. വിജിലൻസ് അന്തിമറിപ്പോർട്ടിനെ തുടർന്നാണ് മന്ത്രിയുടെ കർശന ഇടപെടൽ.
