20 April, 2022 11:52:21 AM
കെഎസ്ആർടിസി സ്വിഫ്റ്റ് ബസ് കോഴിക്കോട് താമരശേരിക്കടുത്ത് വീണ്ടും അപകടത്തിൽപ്പെട്ടു
കോഴിക്കോട് : കെഎസ്ആർടിസി സ്വിഫ്റ്റ് ബസ് വീണ്ടും അപകടത്തിൽപ്പെട്ടു. കോഴിക്കോട് താമരശേരിക്കടുത്ത് കൈതപൊയിലിൽ വെച്ച് ബസ് ലോറിയുടെ പിറകിൽ ഇടിക്കുകയായിരുന്നു. അപകടത്തിൽ യാത്രക്കാർക്ക് ആർക്കും പരിക്കില്ല.
തിരുവനന്തപുരത്ത് നിന്നും മാനന്തവാടിയിലേക്ക് പോവുകയായിരുന്ന സ്വിഫ്റ്റ് ബസാണ് അപകടത്തിൽപ്പെട്ടത്. മുന്നിൽ പോവുകയായിരുന്ന ലോറി ബ്രേക്ക് ഇട്ടപ്പോൾ പിന്നിലുണ്ടായിരുന്ന സ്വിഫ്റ്റ് ബസ് ലോറിയുടെ പിൻഭാഗത്ത് ഇടിക്കുകയായിരുന്നു. ബസിന്‍റെ മുൻഭാഗത്തെ ചില്ല് തകർന്നു.
