18 March, 2022 01:07:58 PM
കെ റെയിൽ കല്ലിടൽ: കല്ലായിയിലും സംഘർഷം; ഉദ്യോഗസ്ഥരെ തടഞ്ഞു
കോഴിക്കോട്: കെ റെയിൽ സർവെകല്ല് സ്ഥാപിക്കുന്നതിനിടെ കല്ലായിയിൽ സംഘർഷം. ഉദ്യോഗസ്ഥരെ പ്രദേശവാസികൾ തടഞ്ഞു. കല്ലിടുന്നതുമായി ബന്ധപ്പെട്ട് തങ്ങൾക്ക് യാതൊരു അറിയിപ്പ് ലഭിച്ചില്ലെന്നും കല്ലിടാൻ അനുവദിക്കില്ലെന്നും നാട്ടുകാർ പ്രതികരിച്ചു. മേഖലയിൽ വൻ പോലീസ് സന്നാഹം നിലയുറപ്പിച്ചിട്ടുണ്ട്.
ച‌ങ്ങനാശേരി മാടപ്പള്ളിയിൽ സംഘർഷം ഉണ്ടായതിന് പിന്നാലെയാണ് കല്ലായിയിലും ഉദ്യോഗസ്ഥരെ നാട്ടുകാർ തടഞ്ഞത്. അതേസമയം, മാടപ്പള്ളിയിൽ പോലീസ് അതിക്രമത്തിൽ പ്രതിഷേധിച്ച് കോൺഗ്രസും ബിജെപിയും പ്രഖ്യാപിച്ച ഹർത്താൽ പുരോഗമിക്കുകയാണ്.
