26 January, 2022 12:45:04 PM
കാസർകോട് മന്ത്രി പതാക ഉയർത്തിയത് തലതിരിച്ച്; എഡിഎം അന്വേഷണത്തിന് ഉത്തരവിട്ടു
കാസർകോട്: റിപ്പബ്ലിക് ദിനാഘോഷത്തിന്റെ ഭാഗമായി കാസർഗോട്ട് നടന്ന ചടങ്ങിൽ മന്ത്രി അഹമ്മദ് ദേവർകോവിൽ ദേശീയ പതാക ഉയർത്തിയത് തലതിരിച്ച്. തെറ്റ് ബോധ്യപ്പെട്ടതോടെ പതാക താഴ്ത്തി ശരിയായി ഉയർത്തി. മന്ത്രി പതാക ഉയർത്തി സല്യൂട്ട് സ്വീകരിച്ച ശേഷവും അധികൃതർക്ക് തെറ്റ് മനസിലായിരുന്നില്ല. പിന്നീട് സ്ഥലത്തുണ്ടായിരുന്ന മാധ്യമപ്രവർത്തകരാണ് പതാക തലതിരിഞ്ഞുപോയത് ശ്രദ്ധയിൽപെടുത്തിയത്.
പിന്നാലെ ഉദ്യോഗസ്ഥരെത്തി പതാക താഴ്ത്തി ശരിയായി വീണ്ടും ഉയർത്തുകയായിരുന്നു. പതാക ഉയർത്താനായി തയാറാക്കിയ ഉദ്യോഗസ്ഥന് വന്ന പിഴവാണെന്നാണ് അധികൃതരുടെ വിശദീകരണം. സംഭവത്തിൽ മന്ത്രി ആദ്യം പ്രതികരിച്ചില്ല. ജില്ലാ പോലീസ് മേധാവിയിൽ നിന്നും വിശദീകരണം തേടിയെന്ന് മന്ത്രി അഹമ്മദ് ദേവർകോവിൽ പിന്നീട് അറിയിച്ചു.
നേരത്തെ സംഭവത്തിൽ എഡിഎം അന്വേഷണം പ്രഖ്യാപിച്ചിരുന്നു. കുറ്റക്കാർക്കെതിരേ കർശന നടപടി സ്വീകരിക്കുമെന്നും എഡിഎം വ്യക്തമാക്കി. രാവിലെ കാസർഗോഡ് മുൻസിപ്പൽ സ്റ്റേഡയത്തിൽ നടന്ന റിപ്പബ്ലിക്ദിന ആഘോഷത്തിനിടെയാണ് മന്ത്രി തലതിരിച്ച് പതാക ഉയർത്തിയത്.
