01 January, 2022 09:39:10 AM
എറണാകുളം വൈറ്റിലക്കു സമീപം ഓടിക്കൊണ്ടിരുന്ന കാറിന് തീപിടിച്ചു: ആളപായമില്ല
കൊച്ചി: എറണാകുളത്ത് ഓടിക്കൊണ്ടിരുന്ന കാറിന് തീപിടിച്ചു. അരൂർ-ഇടപ്പള്ളി ബൈപ്പാസിൽ വൈറ്റില ചളിക്കവട്ടത്തിന് സമീപം ഇന്ന് രാവിലെ ആറരയോടെയാണ് അപകടം നട‌ന്നത്. ഹൈക്കോടതി അഭിഭാഷകനായ രാജ് കരോളിന്‍റെ വാഹനമാണ് കത്തി നശിച്ചത്. എഞ്ചിൻ തകരാറാണ് തീ പിടിത്തത്തിന് കാരണമെന്നാണ് പ്രാഥമിക നിഗമനം. തീപിടിക്കും മുൻപ് വാഹനം ഓടിച്ചിരുന്ന ആൾ പുറത്തിറങ്ങിയതിനാല്‍ അപകടത്തിൽ നിന്നും അത്ഭുതകരമായി രക്ഷപ്പെട്ടു.
