08 November, 2021 03:24:16 PM
വഴിയിൽ തള്ളിയ കക്കൂസ് മാലിന്യത്തിൽ ചവിട്ടിതെന്നി വീണ് വയോധികൻ മരിച്ചു
കൊച്ചി: എറണാകുളം കണ്ണമാലിയില്‍ റോഡിൽ തള്ളിയ ശുചിമുറി മാലിന്യത്തില്‍ ചവിട്ടിതെന്നി വീണ് വയോധികൻ മരിച്ചു. കാട്ടിപ്പറമ്പ് സ്വദേശി പി.എ ജോര്‍ജ് (92) ആണ് മരിച്ചത്. വീടിനു മുന്നിലായിരുന്നു അപകടം. പുലര്‍ച്ചെ അഞ്ചോടെ പള്ളിയിലേക്ക് പോകുന്നതിനായി നടക്കവെ ജോര്‍ജ് മാലിന്യത്തില്‍ ചവിട്ടി തെന്നി കാനയിലേക്ക് വീഴുകയായിരുന്നു. തലയിടിച്ചാണ് വീണത്. വഴിയാത്രക്കാരാണ് ജോര്‍ജിനെ പരിക്കേറ്റ നിലയിൽ കണ്ടെത്തിയത്. വീട്ടില്‍ ജോര്‍ജ് തനിച്ചാണ് താമസം.
