28 October, 2021 09:32:28 PM
ദിലീപിന്‍റെ വീട്ടിൽ അതിക്രമിച്ച് കയറി വീട്ടുകാരെ അസഭ്യം പറഞ്ഞ യുവാവ് പിടിയിൽ
ആലുവ: സിനിമാ നടൻ ദിലീപിന്‍റെ വീട്ടിൽ അതിക്രമിച്ച് കയറി ചിത്രങ്ങൾ എടുക്കുകയും വീട്ടുകാരെ അസഭ്യം പറയുകയും ചെയ്ത യുവാവ് പിടിയിൽ. തൃശൂർ നടത്തറ കൊഴുക്കുള്ളി, ഉഷസ് വീട്ടിൽ വിമൽ വിജയ് (31) ആണ് പിടിയിലായത്. കഴിഞ്ഞ അഞ്ചിന് ആലുവ പാലസിനു സമീപത്തെ ദിലീപിന്‍റെ വീട്ടിലാണ് സംഭവം നടന്നത്.
ദിലീപിനെ കാണാനെത്തിയ ഇയാൾ ഗേറ്റ് ചാടിക്കടന്ന് വീടിനുള്ളിൽ കയറുകയായിരുന്നു. ആളുകൾ കൂടിയപ്പോൾ ഇയാൾ ഓടിരക്ഷപ്പെട്ടു. അങ്കമാലിയിൽ നിന്ന് ഓട്ടോറിക്ഷയിലാണ് ഇയാൾ ആലുവയിലെത്തി തിരികെ പോയത്. ചില സിനിമകളിൽ ഇയാൾ അഭിനയിച്ചിട്ടുണ്ട്. സർക്കിൾ ഇൻസ്പെക്ടർ സി.എൽ. സുധീറിന്‍റെ നേതൃത്വത്തിലാണ് പ്രതിയെ പിടികൂടിയത്.
