25 October, 2021 08:04:32 AM
ചന്ദന മുട്ടികൾ കടത്താൻ ശ്രമം; കോഴിക്കോട് മൂന്ന് പേർ അറസ്റ്റിൽ
കോഴിക്കോട്: കോഴിക്കോട്ട് ചന്ദന മുട്ടികൾ കടത്താൻ ശ്രമിച്ച മൂന്ന് പേരെ വനംവകുപ്പ് അധികൃതർ പിടികൂടി. വാഴൂർ ആക്കോട് കോണോത്ത് അബ്ദുള്ള, പാഴൂർ ചിറ്റാരിപിലാക്കിൽ കള്ളിവളപ്പിൽ അബ്ദുറഹിമാൻ, മാവൂർ തെങ്ങിലക്കടവ് കണ്ണിപ്പറമ്പ് തറയിൽ ബഷീർ എന്നിവരെയാണ് പിടികൂടിയത്.
മാവൂരിൽ വെച്ച് താമരശേരി ഫോറസ്റ്റ് റേഞ്ച് ഉദ്യോഗസ്ഥരാണ് പ്രതികളെ അറസ്റ്റ് ചെയ്തത്. 50 കിലോഗ്രാം വരുന്ന ചന്ദനമുട്ടികളും ചന്ദനക്കടത്തിനുപയോഗിച്ച ജീപ്പ്, ഓട്ടോറിക്ഷ, ബൈക്ക് എന്നിവയും വനപാലകർ ഇവരിൽ നിന്നും പിടിച്ചെടുത്തു. പിടിയിലായവരെ താമരശേരി കോടതിയിൽ ഹാജരാക്കുമെന്നും അധികൃതർ പറഞ്ഞു.
