10 October, 2021 08:59:26 PM
മഹാരാജാസ് കോളേജിൽ മുറിച്ചിട്ട മരം കടത്താൻ ശ്രമം വിദ്യാർത്ഥികൾ തടഞ്ഞു
കൊച്ചി: മഹാരാജാസ് കോളജ് കാമ്പസിൽനിന്ന് മരം കടത്താനുള്ള ശ്രമം വിദ്യാര്‍ഥികള്‍ തടഞ്ഞു. മുറിച്ചിട്ടിരുന്ന മരമാണ് കടത്താന്‍ ശ്രമിച്ചത്. മരം കൊണ്ടുപോകാന്‍ ആര്‍ക്കും അനുമതി നല്‍കിയിട്ടില്ലെന്നും പോലീസിനെ വിവരം അറിയിച്ചെന്നും പ്രിന്‍സിപ്പല്‍ പറഞ്ഞു.
എറണാകുളം ജനറല്‍ ആശുപത്രിക്ക് എതിര്‍വശത്ത് പുതിയ ലൈബ്രറി ബ്ലോക്കിനടുത്ത് നിര്‍ത്തിയിട്ടിരിക്കുന്ന ലോറിയില്‍ മരം കയറ്റുന്നതുകണ്ട വിദ്യാര്‍ഥികള‍ാണ് സംഘത്തെ തടഞ്ഞത്. ചോദ്യം ചെയ്തതോടെ അധികൃതരുടെ അനുമതിയുണ്ടെന്നായിരുന്നു മറുപടി. സംശയം തോന്നിയ വിദ്യാര്‍ഥികള്‍ വാഹനം തടഞ്ഞിട്ടു. ഇതിനിടെ ലോറിയിലെത്തിയവര്‍ സ്ഥലത്തുനിന്ന് പിന്‍മാറി.
