06 October, 2021 02:13:02 PM
പഠിക്കാത്തതിന് ശിക്ഷ; മൂന്നാം ക്ലാസുകാരനെ അമ്മ സ്പൂണ്‍ ചൂടാക്കി പൊള്ളിച്ചു
കോഴിക്കോട്: പഠനത്തിൽ ശ്രദ്ധിക്കുന്നില്ലെന്ന് ആരോപിച്ച് മൂന്നാം ക്ലാസ് വിദ്യാർഥിയുടെ ശരീരത്തിൽ അമ്മ പൊള്ളൽ ഏൽപിച്ചുവെന്ന് പരാതി. കുന്നമംഗലം പിലാശേരി സ്വദേശിയായ വീട്ടമ്മയാണ് മകനോട് ക്രൂരമായി പെരുമാറിയത്. സംഭവത്തില്‍ ജുവൈനല്‍ ജസ്റ്റിസ് ആക്ട് പ്രകാരം പോലീസ് കേസെടുത്തു.
കഴിഞ്ഞ ദിവസമാണ് കേസിനാസ്പദമായ സംഭവം. ഓണ്‍ലൈന്‍ ക്ലാസില്‍ പങ്കെടുക്കുന്നതിനിടെ വിദ്യാര്‍ഥി ശ്രദ്ധിച്ചില്ലെന്ന് പറഞ്ഞായിരുന്നു മാതാവിന്‍റെ ക്രൂരമായ ശിക്ഷ. ഗ്യാസ് സ്റ്റൗവില്‍ സ്പൂണ്‍ ചൂടാക്കി തുടയില്‍ വച്ച് പൊള്ളിക്കുകയായിരുന്നു. കുട്ടിയുടെ അമ്മാവന്‍ ചൈല്‍ഡ് ലൈനില്‍ നല്‍കിയ പരാതിയെ തുടർന്നാണ് നടപടിയുണ്ടായത്. മുൻപും മാതാവ് കുട്ടിയെ മര്‍ദിച്ചിരുന്നതായി പോലീസ് പറയുന്നു.
