20 September, 2021 04:16:36 PM
എറണാകുളത്തെ മഹിളാ മന്ദിരത്തിൽ നിന്നും മൂന്ന് പെണ്‍കുട്ടികളെ കാണാതായി
കൊച്ചി: എറണാകുളം ചമ്പക്കര മഹിളാ മന്ദിരത്തിൽ നിന്നും മൂന്ന് പെണ്‍കുട്ടികളെ കാണാതായി. അധികൃതരുടെ പരാതിയിൽ പോലീസ് അന്വേഷണം തുടങ്ങി. കാണാതായവരിൽ ഒരു ബംഗ്ലാദേശി പെണ്‍കുട്ടിയും ഉൾപ്പെടുന്നുണ്ട്. മൂവരും പ്രായപൂർത്തിയാകാത്തവരാണെന്നും അധികൃതർ വ്യക്തമാക്കുന്നു. ഇവർ എങ്ങനെ മഹിളാ മന്ദിരത്തിൽ നിന്നും ചാടിപ്പോയെന്ന കാര്യം വ്യക്തമായിട്ടില്ല.
