31 August, 2021 01:25:43 PM
നാദാപുരം മൊതക്കരയ്ക്ക് സമീപം വൻ സ്റ്റീൽ ബോംബ് ശേഖരം കണ്ടെത്തി
കോഴിക്കോട്: നാദാപുരം മൊതക്കരയ്ക്ക് സമീപം വൻ സ്റ്റീൽ ബോംബ് ശേഖരം കണ്ടെത്തി. മതിൽ നിർമാണത്തിന് മണ്ണെടുത്തു മാറ്റിയപ്പോഴാണ് എട്ട് സ്റ്റീൽ ബോംബുകൾ കണ്ടത്. പിന്നാലെ പോലീസും ബോംബ് സ്ക്വാഡും സ്ഥലത്തെത്തി. ബോംബ് നിർവീര്യമാക്കുന്നതിന് നടപടികൾ തുടങ്ങിയിട്ടുണ്ട്. പോലീസ് സ്ഥലത്ത് കൂടുതൽ പരിശോധന നടത്തുകയാണ്. സംഭവത്തെക്കുറിച്ച് പ്രാഥമിക അന്വേഷണവും ആരംഭിച്ചിട്ടുണ്ട്.
