30 August, 2021 04:38:39 AM
പ്രായപൂര്‍ത്തിയാകാത്ത പെണ്‍കുട്ടിക്ക് പീഡനം; വയനാട്ടില്‍ ബസ് കണ്ടക്ടർ അറസ്റ്റിൽ
കല്പറ്റ : വയനാട്ടില്‍ പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച യുവാവ് അറസ്റ്റില്‍. മേപ്പാടി സ്വദേശിയായ ബസ് കണ്ടക്ടര്‍ ബൈജുവിനെയാണ് പോലീസ് അറസ്റ്റ് ചെയ്തത്. പെണ്‍കുട്ടിയുടെ പരാതിയിലാണ് നടപടി. 16കാരിയായ പെണ്‍കുട്ടിയെ കഴിഞ്ഞ ദിവസം രാത്രി ബസില്‍ വച്ചാണ് ബൈജു പീഡിപ്പിച്ചത്. പോലീസ് പെണ്‍കുട്ടിയുടെ മൊഴിയെടുത്തു. ഇയാള്‍ ജോലി ചെയ്തിരുന്ന ബസും പോലീസ് കസ്റ്റഡിയിലെടുത്തു.
