28 August, 2021 06:02:04 PM
കാക്കനാട് ലഹരിമരുന്ന് വേട്ട; വിട്ടയച്ച യുവതിയെ എക്സൈസ് വിളിച്ചുവരുത്തി അറസ്റ്റ് ചെയ്തു
കൊച്ചി: കൊച്ചി കാക്കനാട് ഫ്ളാറ്റിൽനിന്നു കോടികളുടെ മയക്കുമരുന്നു പിടികൂടിയ സംഭവത്തിൽ ആദ്യം വിട്ടയച്ച യുവതിയെ എക്സൈസ് വിളിച്ചുവരുത്തി അറസ്റ്റ് ചെയ്തു. തിരുവല്ല സ്വദേശി ത്വയ്ബയെയാണ് അറസ്റ്റിലായത്. ശനിയാഴ്ച രാവിലെ ചോദ്യംചെയ്യാനായി ത്വയ്ബയെ കൊച്ചിയിലെ എക്സൈസ് ഓഫീസിലേക്ക് വിളിച്ചുവരുത്തിയിരുന്നു.
മണിക്കൂറുകള്‍ നീണ്ട ചോദ്യംചെയ്യലിനൊടുവിലാണ് യുവതിയുടെ അറസ്റ്റ് രേഖപ്പെടുത്തിയത്. ചെന്നൈയില്‍നിന്ന് എംഡിഎംഎ ലഹരിമരുന്ന് എത്തിച്ച സംഘത്തില്‍ ത്വയ്ബയും ഉള്‍പ്പെട്ടിട്ടുണ്ടെന്നാണ് ഉദ്യോഗസ്ഥര് പറയുന്നത്. നായ്ക്കള്‍ക്ക് നല്‍കുന്ന തീറ്റയുടെ കവറില്‍ ഒളിപ്പിച്ചാണ് ഇവര്‍ ലഹരിമരുന്ന് കടത്തിയിരുന്നത്.
