18 June, 2021 01:40:26 PM
പൊട്ടിവീണ കമ്പിയില്‍നിന്ന് വൈദ്യുതാഘാതമേറ്റ് ആറ് കുറുക്കന്മാര്‍ക്ക് ദാരുണാന്ത്യം
പേരാമ്പ്ര : പൊട്ടിവീണ കമ്പിയില്‍നിന്ന് വൈദ്യുതാഘാതമേറ്റ് ആറ് കുറുക്കന്മാര്‍ക്ക് ദാരുണാന്ത്യം. പേരാമ്പ്ര ഗ്രാമപഞ്ചായത്ത് ഉണ്ണിക്കുന്ന് തരിപ്പമലയിലെ റോഡില്‍ മരം വീണതിനെ തുടര്‍ന്ന് പൊട്ടിവീണ വൈദ്യുതി കമ്ബിയില്‍നിന്നാണ് ആഘാതമേറ്റത്.
വരിയായി ചത്തുകിടക്കുന്ന അഞ്ച് കുറുക്കന്മാരും വൈദ്യുതിക്കമ്പി കടിച്ച നിലയിലാണുള്ളത്. ഒരു കുറുക്കന്‍ മറ്റൊന്നിന്റെ കാലില്‍ കടിച്ച നിലയിലുമാണ്. ബുധനാഴ്ച അര്‍ധരാത്രിയുണ്ടായ ശക്തമായ കാറ്റിലും മഴയിലുമാണ് മരക്കൊമ്പ് വീണ് വൈദ്യുതി ലൈന്‍ പൊട്ടിവീണത്.
