13 May, 2021 11:59:09 AM
നഴ്സിനോട് കൊവിഡ് രോഗിയായ പ്രതി അപമര്യാദയായി പെരുമാറിയതായി പരാതി
കൊച്ചി: തൃപ്പുണിത്തുറയിൽ ഡൊമിസിലിയറി കെയർ സെന്ററിൽ നഴ്സിനോട് കൊവിഡ് പോസിറ്റീവ് ആയ പ്രതി അപമര്യാദയായി പെരുമാറിയതായി പരാതി. ഡിസിസിയിൽ വച്ച് നടന്നു പോകുന്നതിനിടെ നഴ്‌സിനെ കയറി പിടിക്കാൻ ശ്രമിച്ചു എന്നാണ് പരാതിയിൽ കോതമംഗലം കോഴിപ്പള്ളി സ്വദേശി അഖിലിനെതിരെ ഹിൽ പാലസ് പൊലീസ് കേസെടുത്തു.
അബ്കാരി കേസിൽ എക്‌സൈസ് അറസ്റ്റു ചെയ്ത പ്രതിയാണ് ഇയാൾ. കാക്കനാട് ജില്ല ജയിലിനോട് ചേർന്നുള്ള ബോർസ്റ്റൽ സ്‌ക്കൂളിൽ റിമാൻഡിൽ കഴിഞ്ഞിരുന്ന അഖിലിനെ കൊവിഡ് പോസിറ്റീവ് ആയതിനെ തുടർന്നാണ് ഡിസിസിയിലേക്ക് മാറ്റിയത്.
