06 April, 2021 02:35:36 PM
'മമ്മൂട്ടിയ്ക്കെന്താ കൊമ്പുണ്ടോ?': മാധ്യമ പ്രവർത്തകരെ തടഞ്ഞ് ബിജെപി
കൊച്ചി: നടൻ മമ്മൂട്ടി പൊന്നുരുന്നി സികെഎസ് സ്‌കൂളിൽ ഭാര്യ സുല്ഫത്തിനൊപ്പമെത്തി വോട്ട് രേഖപ്പെടുത്തി. ഇതിനിടെ, മമ്മൂട്ടി വോട്ട് ചെയ്യാനെത്തിയ ദൃശ്യങ്ങൾ മാധ്യമങ്ങൾ പക൪ത്തുന്നതിനെതിരെ ബിജെപി രംഗത്തെത്തി. തൃക്കാക്കരയിലെ ബിജെപി സ്ഥാനാർഥി എസ്. സജിയുടെ ഭാര്യയാണ് ദൃശ്യങ്ങൾ പകര്‍ത്തുന്നതിനെ ചോദ്യം ചെയ്‌തത്. ദൃശ്യങ്ങൾ പകർത്തുന്നത് മറ്റ് വോട്ടർമാർക്ക് ബുദ്ധിമുട്ടുണ്ടാക്കുന്നു എന്നായിരുന്നു ഇവരുടെ ആരോപണം. മമ്മൂട്ടിയ്ക്കെന്താ കൊമ്പുണ്ടോ എന്നും ഇവർ ചോദിച്ചു.
